ازاى تكون مبرمج مؤهل لسوق العمل

Image
This is an image caption

ممكن أكون مبرمج كويس وأقدم على وظيفة واترفض ؟ للأسف أيوا. سوق العمل اتغير كتير مع مرور الوقت، مؤهلاتك ومهاراتك في البرمجة بس مش دايما هيجبولك الوظيفة سوق العمل ملئ بخريجي الجامعات، بعضهم اللي عنده مواهب وشغف والبعض الأخر بيتظاهر بكده، و أصحاب العمل بيختاروا الأفضل دايما واللي عندهم معرفه بمجالات ثانيه. ودي بعض الطرق عشان تثير إعجاب المحاور وتثبت إنك تستحق الوظيفة . - تشارك في مشاريع مفتوحة المصدر " Contribute to open source projects " إيه المميز في إنك تشارك في مشاريع مفتوحة المصدر ؟ في الحقيقة في ميزات كتيرة وأهمها انك بتتعمل من ناس خبراء في صناعة البرمجيات. ازاي ؟ طبعا معظم مشاركاتك مش هتتقبل. ايه ده دي ميزة ؟ أيوا طبعا ميزة، أي مساهمة ليك بتتراجع من ناس خبيره زي ما قلنا ولو فيه حاجه لازم تتعدل في مساهمتك، الناس اللي بتراجع هتقولك بعض الإرشادات وكيفية التعديل على الحاجه دي، الموضوع شبيه بإن حد بيشرحلك ويوجهك للصح. وغير كده في ميزات كتير زي إنك تتعلم مهارات جديدة و هتقابل ناس عندهم نفس اهتماماتك. وطبعا لو قدمت أي مساهمة هتبقا نقطه قويه لإثارة إعجاب المحاور الخاص بيك. ده مقال بيعرفك ازاي تشارك في مشروعات مفتوحة المصدر. - تجاوب أسئله على "Stack Overflow" طبعا كلنا عارفين أفضل صديق للمبرمجين ولو عندك مشكلة بتلجأله هو "Stack Overflow" ، هتكون حاجه جميلة لو جاوبت على سؤال على "Stack Overflow" لان لأي حساب نقاط سمعه وأي سؤال بتجاوب عليه وبناءا على دقة إجابتك يمكن للمستخدمين التصويت لإجابتك وده هيزود نقاط سمعتك، ومن خلال ده ممكن لصاحب العمل يحدد قد إيه انت موهوب. - الاسكور على "HackerRank , Codeforces , Leetcode , GeeksforGeeks" دي مواقع "HackerRank , Codeforces , Leetcode , GeeksforGeeks" لتحسين مهاراتك في الكود عن طريق حل تحديات ومشاكل بلغة البرمجة المفضلة ليك. وانت اقدر تختار موضوع معين وتحل مسائل وتحديات عليه وممكن تحدد درجة صعوبة التحديات وتبدأ تحل، وبناءا على حلك الاسكور بتاعك هيزيد، والاسكور بتاعك هيحدد موهبتك في ال "Problem Solving , Algorithms , Data Structure" ... - عمل مشاريع جديدة الخروج بأفكار إبداعية وتطوير مشاريعك الخاصه من أفضل الطرق عشان تطبق اللي اتعلمته، ممكن تكون اتعلمت تقنيات مختلفة ولغات برمجة مختلفة بس لو انت مش بتقدر تطبق ده في صورك برنامج أو موقع ويب أو موبايل أبلكيشن يبقى جهدك ضاع. وعمل مشاريع جديدة مش هيحسن مهارات الكود بس لا وممكن تستخدم المشاريع دي في حياتك الشخصية. - إظهار حماسك بصناعة البرمجيات على مواقع التواصل الفتره الأخيره كتير من أصحاب العمل بقوا مهتمين يشوفوا أكونت الشخص على السوشيال ميديا، وطبعا كلنا عارفين ان الغرض من السوشيال ميديا هي المتعة في الوقت الفاضي اللي عندنا، وطبعا أنا مش بقول نوقف الضحك والميمز على السوشيال ميديا. بس حاجه جميله انك تشير ميمز ليها علاقة بالبرمجة والتكنولوجيا وممكن برضه تشير الفيديوهات والمقالات اللي الناس بتحب تقرأها. #MUFIX_Community

Category: programming Tags: Guide