FCI

Image
This is an image caption

أخبار السوشيال ميديا معاكوا أي ..؟ 😄

بخصوص السوشيال ميديا مسألتش نفسك هو مين اللي بيعمل الفيسبوك ومين المسؤولين عن تصميم الابليكاشنز دي كلها عموما ! 🤔

💥حاسبات و معلومات الكلية دي سمعت عنها؟😄

هى اللي بتطلع كل الناس دي المهتمين بال "Computer Science" 

وايوا اه هى حاسبات مش حسابات يعني احنا مش محاسبين ولا دي قسم في تجارة زي ما البعض فاكر

برضه مش فاهم 🙄

الأول خليني اقولك ان احنا مش بتوع سايبر ولا بنهكر اكونت كراش حد ومش بنصلح كمبيوترات (مش بنصلح كمبيوترات)

احنا اللي بنعمل الابليكاشنز و ال "websites" زي موقع نتيجة الثانوية العامة كدا😃

اللي عامل الموقع دا "software engineer" ايوا هو دا المسمى الوظيفي بتاعنا مهندس برمجيات

طب بندرس ايه في الكلية..؟ 🤔

بندرس لغات برمجة زي "c++" و "java" و حاجات تانية زي "Data structure" و "Algorithms"

وكل دي حاجات مجرد Tools بتساعدك عشان تبدأ تدخل أي مجال أنت حابه 💖

 ممكن متبقاش فاهم المصطلحات دي دلوقتي 😅

لكن من الاخر احنا بنفضل في الكلية ناخد حاجات تساعدنا في ال "Problem solving" و في الشغل بعد الكلية كمان

و بناخد "basics" لكل "Technology" واحنا بنقولك من دلوقتي ان احنا بناخد "basics" عشان تبقى عارف ان الكلية معتمدة على ال "Self Study" خصوصًا ان مجالنا دا "dynamic" يعني بتفضل طول عمرك تتعلم و ما أكثرها ال "materials" الموجودة على النت و المواقع اللي بتقدم كورسات كويسة جدََا "online"

كمان لازم تعرف إن مواد الكلية مهمة جدََا، أنت بتدرس في الكلية مواد كتير وكل مادة ليها هدف بتساعدك بشكل كبير جدََا لما تيجي تبدأ في مجال معين زي مثلََا أنت بتاخد Math 1 و احصا1 واحصا2 وهكذا المواد دي بتساعك في مجالات كتير زي ال "Machine Learning" ودا مجال كبير جدََا

بيستخدم في التقنيات الحديثة *زي عربية تسلا أو صواريخ الفضاء * كل دول و أكتر حاجات تقدر تكودها وتكتبها 👨🏻‍💻

بتسأل نفسك هو مجال الكلية دا ليه شغل ولا لأ!! 🤔

أنت لو دخلت على جوجل وعملت سيرش عن الوظائف المطلوب دايمََاا هتلاقي المبرمج مكتسح، ودا مش علشان هما اللي مصممين الموقع ولا حاجة لأ 😂 دا لأن فعلََا هي من أكتر الوظائف المطلوبة حاليََا 🔥

طب ايه شروط الالتحاق بالكلية!! 🤔

💥الكلية بتدخلها من شعبة علمي رياضة و السنة اللي فاتت اخدت من حد أدنى 90.7% بيختلف حسب تنسيق كل سنة

 و فيه اقسام خاصة لعلمي علوم المتاح في جامعة المنوفية هو "bioinformatics" هنبقا نتكلم عنه في بوستات جاية😌

 

💥الكلية مش بتحتاج امتحان قدرات أو حاجة و هى بتنزل في التنسيق عادي بس مش بتنزل لطلاب علوم طالب علمي علوم لازم يروح يحول اوراقه للكلية

💥مش ضروري خالص ابدََا ابدََا يكون عندك خلفية عن البرمجة أو الكمبيوتر بشكل عام أنت بتدخل الكلية بتعرف كل حاجة❤️

 

📎الكلية الدراسة فيها اربع سنين و فيها أقسام تخصص هنبقا نتكلم عنها في بوستات جاية🙏 و التخصص بيكون في سنة تالتة أو رابعة على حسب كل جامعة و في جامعة المنوفية من سنة تالتة

 

📎الدراسة بتكون بالانجليزي و دا مش هيكون عائق خالص بالمناسبة و هتتعود بعد فترة قصيرة جدََا 😅

 

#FCI

#Software_Engineer

#MUFIX_Community

Category: News Tags: Guide